Signum Crucis
In nominé Pátris + et Filií + et Spíritus Sáncti + Amén.
Pater Noster
Páter nóster qui es in cǽlis;
Sanctificétur nomen túum;
Advéniat régnum túum;
Fíat volúntas tua, sicút in cǽlo et in térra.
Pánem nóstrum cotidiánum da nóbis hodie,
et dimítte nóbis débita nóstra
sícut et nos dimíttimus debitóribus nóstris.
Et ne nós indúcas in tentatiónem,
sed líbera nos a málo.
Amén.
Gloria Patri
Glória Pátri,
et Fílio,
et Spíritui Sańcto.
Sicút erát in princípio,
et núnc,
et sémper,
et in sæcula sæculorum.
Amén.
Ave Maria
Ave Maria, gratia plena,
Dominus tecum.
Benedicta tu in muliéribus,
et benedictus fructus ventris tui,
Iesus.
Sancta Maria, Mater Dei,
ora pro nobis peccatóribus,
nunc et in hora mortis nostræ.
Amén.
Symbolum Apostolorum
Crédo in Déum Pátrem omnipoténtem,
Creatórem cǽli et térrae.
Et in Jésum Chrístum, Fílium éius únicum, Dóminum nóstrum,
qui concéptus est dé Spíritu Sáncto,
nátus ex María Vírgine,
pássus sub Póntio Piláto,
crucifíxus, mórtuus, et sepúltus,
descéndit ad inféros,
tértia díe resurréxit a mórtuis,
ascéndit ad cǽlos, sédet ad déxteram Dei Pátris omnipoténtis,
índe ventúrus est judicáre vívos et mórtuos.
Crédo in Spíritum Sánctum,
sánctam Ecclésiam Cathólicam,
Sanctórum Communiónem,
remissiónem peccatórum,
cárnis resurrectiónem,
vítam ætérnam.
Amén.
Symbolum Nicænum
Credo in unum Deum,
Patrem omnipoténtem,
factórem cæli et terræ,
visibílium ómnium et invisibílium.
Et in unum Dóminum, Iesum Christum,
Fílium Dei unigénitum,
et ex Patre natum ante ómnia sǽcula.
Deum de Deo, lumen de lúmine, Deum verum de Deo vero,
génitum, non factum, consubstantiálem Patri:
per quem ómnia facta sunt.
Qui propter nos hómines et propter nostram salútem descéndit de cælis.
Et incarnátus est de Spíritu Sancto
ex María Vírgine,
ET HOMO FACTUS EST.
Crucifíxus étiam pro nobis sub Póntio Piláto;
passus et sepúltus est,
et resurréxit tértia die, secúndum Scriptúras,
et ascéndit in cælum, sedet ad déxteram Patris.
Et íterum ventúrus est cum glória,
iudicáre vivos et mórtuos,
cuius regni non erit finis.
Et in Spíritum Sanctum, Dóminum et vivificántem: qui ex Patre Filióque procédit.
Qui cum Patre et Fílio simul adorátur et conglorificátur: qui locútus est per Prophétas.
Credo in unam, sanctam, Cathólicam et Apostólicam Ecclésiam.
Confíteor unum baptísma in remissiónem peccatórum.
Et exspécto resurrectiónem mortuórum,
et vitam ventúri sǽculi.
Amén.
Oratio Fatimæ
Oh mi Jesu, dimitte nobis debita nostra, libera nos ab igne inferni, conduc in caelum omnes animas, praesertim illas quae maxime indigent misericordia tua.
Sub túum præsídium
Sub túum præsídium confúgimus,
sancta Dei Génetrix:
nostras deprecatiónes ne despícias in necessitátibus:
sed a perículis cúnctis líbera nos semper, Virgo gloriosa et benedicta.
Dómina nostra, Mediátrix nostra, Advocáta nostra, Consolátrix nostra;
Tuo Fílio nos reconcília, tuo Filio nos comménda, tuo Filio nos repræsénta.
Salve Regina
Sálve Regína, Máter misericórdiæ, Víta, dulcédo, et spes nóstra, sálve. Ad té clamámus, éxsules, fílii Hévæ. Ad té suspirámus, geméntes et fléntes in hac lacrimárum válle. Éia érgo, Advocáta nóstra, íllos túos misericórdes óculos ad nós convérte . Et Jésum, benedíctum, frúctum véntris túi, nóbis post hoc exsílium osténde.
O clémens, O pía, O dúlcis Vírgo María.